LAOAG CITY – Mangrugin a manayunan ti 10 a porsiento ti awaten a pension dagiti pensioners ti Social Security System intono Setyembre ita a tawen.
Daytoy ti inpakaammo ni Mr. Christian Andrew Rillorta, ti Regional Communications Officer ti Social Security System – North Luzon.
Kuna na a dagiti manayunan ti 10 a porsiento ti pension na ket dagiti retiree pensioners ken disability pensioners idinto a manayunan met ti 5 a porsiento ti pension dagiti survivor pensioners.
Inbatad ni Rillorta a mamintallo nga agawat ti nayun ti pension dagiti maseknan a pensioners iti uneg ti tallo a tawen.
Innayon na ti pakabuklan nga awaten a pension dagiti nasao a pensioners iti uneg ti tallo a tawen ket isunto metten ti maawat da nga agnanayun.
