LAOAG CITY – Maysa a Basilica Minore ti St. John the Baptist Parish iti ili a badoc.
Daytoy ket kalpasan a naiwayat ti “pontifical coronation” ti imahen ni La Virgen Milagrosa de Badoc.
Mismo a da His Eminence Luis Antonio Cardinal Tagle, DD, ti Metropolitan Archbishop ti Manila ken ni His EminenceOrlando Cardinal Quevedo, DD ti Metropolitan Archbishop ti Cotabato ti nasangaili ken nangipatong ti korona ti imahen.
Immatangan daytoy dagiti papadi ti Diocese of laoag nga indauloan ni Bishop Renato Mayugba ken dagiti opisyales ti probinsiya nga indauloan ni Gov. Imee Marcos ken dagiti deboto ti La Virgen Milagrosa de Badoc.
Kuna ni Tagle nga itan na nakoronaanen ti imahen ket sapay ta ad-adda pay a tumibker ti pammati ken makatulong kadagiti nakukurapay ken agkasapulan.
