LAOAG CITY – Kinumpirmaran ni Mayor Erdio Valenzuela iti Dingras, Ilocos Norte ti panangideklara na ti state of calamity iti ili da gapu iti kaadon ti nairekord da a kaso ti dengue.
Inbatad na a kaadoan kadagiti biktima ket residente iti Barangay San Francisco ken Barangay San Marcelino.
Segun ken ni Valenzuela, iti agdama ket addan ti 66 a kaso ti nairekord iti Municipal Health Office iti ili a Dingras.
Gapu ti daytoy, kuna nga agtultuloy ti panangiyuswat da ti fumigation kangrunaan na kadagiti nadakamat a dua a barangay.
Mainaig ti daytoy, inbatad ni Mayor Valenzuela nga addan ti inted da a tulong pinansyal kadagiti amin a nagbalin a biktima ti sakit a dengue ti nasao nga ili.
Saan met a masigurado ti mayor no manu ti tawen ti kaubingan a naapektaran ti dengue iti nasao nga ili.
