LAOAG CITY – Indeklara ti gobierno ditoy ciudad ti Laoag ti state of calamity gapo pay laeng ti epekto ti Bagyo Ineng ditoy probinsya.
Iti naiwayat nga special session, itay 11:13 ti bigat ket naan-anay nga indeklara ti gobierno ti state of calamity.
Basar ti report ni Dr. Melvin Manuel, mangidadaulo ti City Disaster Risk Reduction Management Office, 80 a porsyento ditoy ciudad ti nalayos.
Kunana nga 151 ti bilang dagiti naibakwit wenno 80 a pamilya idinto nga iti Barangay Nangalisan ditoy ciudad ket 400 a tattao ti apektado.
Naamoan a ni Hon. JV Baquiran, chairman ti Committee on Natural Disaster ti nangisponsor iti daytoy.
