LAOAG CITY – Inpakaammo ni Atty. Charito Malicad, mangidadaulo ti Communications and Media Office ditoy siudad ti Laoag a maiyuswat ti State of the City Address ni Mayor Michael Marcos Keon inton Setiembre 21 iti oras ti 6:30 ti rabii iti Basketball Court ti lokal a gobierno ditoy siudad ti Laoag.
Segun kenkuana, babaen iti daytoy a naisangsangayan a programa ket maammoan dagiti nagduduma a programa ken proyekto a naggapoanan ti Mayor sipod nagtakem daytoy idi 2019.
Inbatadna a napateg daytoy a programa tapno maidanon ti agdama a situasion ti lokal a gobierno babaen iti panangidaulona.
Inlawlawagna nga adda dagiti VIP wenno Very Important Persons, stakeholders, Barangay Captains ken dadduma pay nga opisial ti agatendar iti State of the City Address ni Mayor Keon.
