LAOAG CITY – Impasigurado dagiti state prosecutor nga awan prejudice iti mosionda nga ikkaten ni dati a Department of Public Works and Highways Secretary Manuel Bonoan gapo iti sangsangoenna a kaso a graft ken plunder mainaig iti anomalia iti flood control projects.
Inlawlawag ni Assistant State Prosecutor III a saan daytoy a makaapektar ti dakkel a panagbalbaliw no diketdi inladawanna laeng ti mekanismo ti maysa nga aksion a nakalanad iti umno nga impormasion.
Iti baet daytoy, inbatad ni Fifth Division Chairperson Zaldy Trespeses a “deemed submitted for resolution” ti mosion ti state prosecutors kalpasan ti clarificatory hearing.
Mainaig iti daytoy, namnamaen ti korte ti pannakaresolbar na daytoy sakbay ti arraignment wenno panagbasa kontra kada Estrada ken Bonoan iti plunder ken graft charges inton Hulio 28.
Maipalagip a sumangsango da Bonoan, Estrada ken dagti tallo pay a kaduada iti graft ken plunder charges mainaig iti maipagarup iligal a panangisingitda iti pondo ken project allocations iti infrastructure portfolio ti Department of Public Works and Highways idi napalabas a tawen.
