LAOAG CITY – Inpasingked ni Provincial Election Supervisor Atty. Alipio Castillo a saan a makapagsapata kas maysa nga opisyal dagiti kandidato a mapili iti 2022 elections nu awan ti maipasa nga Statement of Contribution and Expenditures (SOCE).
Segun ken ni Castillo, malaksid iti saan a panagtugaw ti kandidato iti posisyon a nakapilyan na ket mapatawan ti penalty ken posible a saan a makapagtaray iti sumaruno nga eleksyon.
Inlawlawag ni Castillo nga adda dagiti rules and regulations a nasken a suruten dagiti kandidato kabayatan ti campaign period.
Kuna na nga amin a magastos kabayatan ti panagkampanya kas kadagiti adverstisements iti mass media ket masapol a maisubmitir pakairamanan ti kontrata ken balor daytoy.
Inbatad na a babaen iti nasao nga addang ket madaterminar no nagsobra iti naited a limitimasyon ti nagastos ti maysa a kandidato.
Kabayatanna, immunan nga inikkan ti importansya ni Castillo ti nagduduma a wagas ti panagkampanya a paggastosan dagiti kandidato.
Kuna na nga adda ti in-person campaigning, broadcast campaiging babaen ti tv wenno radio, printed ken internet based campaiging wenno ti pannakaaramat ti nagduduma a social media platforms.
