LAOAG CITY – Kinanselar ti trial chamber ti International Criminal Court (ICC) ti maikatlo nga status conference a naikeddeng inton sumaruno a Domingo para iti panangusig ken ni dati a Presidente Rodrigo Duterte gapu ta amin dagiti partido iti kaso ket saanen a nangipila ti baro nga isiyu a kasapulan ti insigida a pannakaresolbar.
Iti maysa a rakurak, inbatad ti ICC a saanen nga ituloy ti Trial Chamber III ti panangiyuswat ti panagdengngeg inton Hulio 14 gapu ta ti depensa, prosekusion, ken legal representatives dagiti biktima ti nangideklarar nga awanen ti sabali pay a kanayonan nga isiyu.
Ti trial chamber nga idauloan ni Judge Joanna Korner ket naikeddeng a maiyuswat inton Setiembre 16 wenno dua a bulan sakbay a marugian ti panangusig iti reklamo a crimes against humanity kontra ken ni Duterte.
