LAOAG CITY – Immannugot ni Stephen Curry a maaddaan ti maysa a tawen nga extension ti kontratana iti Golden State Warriors.
Basar iti koponan a ti nasao a contract extension ket aggatad ti $62.8 milyon manipud 2026 agingga inton 2027.
Ti agtawen iti 36 a ni Curry ket addaan pay ti dua a tawen a nabatbati iti uppat a tawen a kontratana nga aggatad ti $215.4 milyon a pinirmaanna idi Agosto 2021.
Maibasar iti “over-38 rule” ti NBA collective bargaining agreement a mabalin laeng a maaddaan isuna ti one-year extension gapu ta agtawento daytoyen iti 38 apaman a malpas ti kontratana inton Marso 14, 2026.
Naammoan a ti 10-time All-Star, four-time NBA Champion ken two-time scoring a ni Curry ket addaan ti 26.4 points averager, 5.1 assist ken 4.5 rebounds.
