LAOAG CITY – Naminsan manen a nakaaramid ni NBA Superstar Stephen Curry iti balligi ti Golden State Warriors kontra iti Orlando Magic, iti iskor a 121 – 115.
Naaramid ni Stephen ti 56 points iti panangabak ti Warriors ken naiserrekna ti 12 3-pointers manipud iti 19 a pinaruk-atan iti pakabuklan ti laban. Daytoy ti maikatlo a gundaway a naaramid daytoy ni Curry iti karerana.
Malaksid iti impresibo a tres, naiserrek met ni Curry ti amin a 12 free throws.
Basar iti rekord ti NBA, daytoyen ti maika-45 nga ay-ayam iti karera ni Curry a nakaaramid isuna ti siam a 3-pointers wenno nasursurok pay.
Ti nasao a rekord ti kangatoan iti sibubukel a liga sa. Simmaruno kenkuana ti shooter a ni Damian Lillard nga addaan laeng ti 14 games.
