LAOAG CITY – Inpasingked ni Governor Imee Marcos a gatangen amin ti gobierno probinsyal dagiti nabatbati nga stock nga irik ken bagas dagiti traders ditoy probinysa.
Daytoy ti kinumpirmaran ni Engr. Albert Calsada iti Bacarra, Ilocos Norte ken maysa a trader ditoy probinsya.
Inlawlawag na a kalpasan ti bagyo Ompong ket kinasarita ida ti gobernador ken inpasingked na a gatangen na ti nabatbati pay nga stock da nga irik ken bagas.
Mainaig ti daytoy, inbatad ni Calsada a saan a pabor iti inuprabaran ti sang panlalawigan nga ordinansa mainaig ti pannakaipawil a mairuwar dagiti maapit nga irik ken bagas ditoy probinsya.
Inpetteng na a ti kakaasi ket dagiti mannalon kangrunaan na no nababa laeng ti presyo a paggatang kadagiti maapit nga irik ditoy probinsya.
