LAOAG CITY – Nagtalinaed a nakasagana ti stockpile dagiti relief packs iti nagduduma a satellite office ti Department of Social Welfare and Development iti Rehiyon 1.
Daytoy ti inpakaammo ni Ms. Marie Angela Gopalan, ti regional director iti Field Office ditoy rehiyon 1.
Kuna na a kaaduan a naka-standby a tulong ket iti probinsya ti Pangasinan partikular iti Alamino, Infanta, Rosales ken iti Sta. Barbara.
Mainaig iti daytoy, inbatad ni Gopalan a malaksid iti relief packs ket adda ti pondo a naka-standby para iti nayun a tulong nu kasapulan.
Immuna iti daytoy, inpakaamo ni Gopalan a basar iti kaudian a rekord ti ahensya, awan pay dagiti naireport a nakaro a naapektaran ti bagyo Karding.
Kuna na nga adda ti naiyuswat nga pre-emptive evacuation ngem awan ti naipan iti forced evacuation.
