LAOAG CITY – Maluksaw ti subject ti anti illegal drug buy bust operation a naisayangkat iti Barangay 15, ditoy ciudad ti Laoag kalpasan nga inpagarup na a gumatang laeng iti lako na a street foods dagiti otoridad.
Kuna ni Rafael Pascual Alberto, agtawen 29, residente iti Barangay 56-B Bacsil South ditoy ciudad, ken maysa nga street food vendor, set-up ti napasamak lenluanan sipud ta inur-uray na dagiti inpagarup na a customer na a nagorder ti agbalor ti 90 a pisos a lako na.
Iti palawag na adda nagmessage kenkuana nga agorder iti lako na, ken kunada nga adda umay a turista ditoy ciudad Laoag nga isu ti aggatang kadagiti lako na.
Mainaig iti daytoy, nakumpiskar manipud iti suspek ti tig-gaysa a plastic sachet ti napagangu a bulong ken bukel ti marijuana, ken maysa a one thousand peso bill a nagserbi kas buy buy money, ken sabali pay a gatad nga agbalor ti 3,334 a pisos.
Naiget met a naglikudan ti suspek dagiti nakumpiskar kenkuana a dried marijuana leaves.
Inpakaammu pay ti suspek nga awan ti aniaman a criminal case na ken record na iti barangay da ken ti laeng bisyo na ket aginom ken agsigarilyo.
Iti agdama nagtalinaed ti suspek iti kustudiar ti Philippine National Police ditoy ciudad ti Laoag.
