LAOAG CITY – Balligi a natiliw ti maysa a lalaki itiinsayangkat a drug buy bust operation dagiti kameng ti PDEA ken PNP iti Brgy. 7-Caunayan iti siudad ti Batac.
Nabigbig ti suspek a ni Austin Marlon Calacal, agtawen ti 24, residente iti Brgy. 35 Bil-loca iti nasao a siudad.
Iti transaksyon, nausar ti maysa a plastic sachet a naglaon ti maipagarup a shabu ken 500 a buy bust money.
Kabayatanna, iti nagtultuloy panangkapkap dagiti otoridad ken ni Calacal ket naduktalan iti bulsa ti shorts na ti kaha ti posporo a naglaon ti dua a sachet ti maatap a shabu pakairamanan ti 326 a kwarta daytoy ken cellphone.
Naamoan a maikaduan a daras a matiliw ni Calacal gapu iti iligal a droga ken immuna idi tawen 2020 ngem nawaya-wayaan itay napan a tawen babaen iti plea bargaining.
Maibilang ti suspek kas street level individual ditoy probinsya.
