LAOAG CITY – Isagsaganan ti PNP-Pasuquin ti reklanmo a panagsalungasing iti R.A . 9165 kontra iti agnanagan iti Prudencio Sinang Jr alyas Bong, agtawen iti 42, naasawaan ken residente iti Bgy. Davila iti nasao nga ili.
Natiliw ni Sinang kalapasan ti naimballigian a buybust operation a no sadinno a maysa a pulis ti nagpammarang a gumatang iti shabu.
Nakumpiskar iti ikot na ti ilako na koma a maatap a shabu nga agbalor iti sangaribo a pisos, marked money a 1,000 pesos ken maysa a dakkel a plastic sachet a naglaon kadagiti babassit a sachet a naglaon iti maatap a residue ti shabu.
Ni Sinang ket maibilang nga street level target category iti ili ti Pasuquin.
