LAOAG CITY – Maysa nga agtawen ti 28 nga street sweeper idiay Bangkok ti nagbalin a viral ken ita ket maysan a professional model kalpasan a naripar isuna ti ganggannaet a photographer kabayatan nga agtrabtrabaho iti kalsada ti Bangkok.
Ni Noppajit “Meen” Somboonsate, maysa a single mother a maysa a tawen nga agtrabtrabaho kas street sweeper.
Basar iti report, nakita isuna ni Semyon Rezchikov, maysa a photographer manipud idiay Russia kabayatan nga agsagsagad iti kalsada.
Nakigtot ni Rezchikov iti natural a pintas ni Meen isu nga inlimedna daytoy nga inalaan ti ladawan sakbay nga immasideg ken inpakitana ti ladawan kenkuana.
