LAOAG CITY – Inpakaammo ni Mr. Clinton Ulep, mangidadaulo iti Government Services Office ditoy siudad ti Laoag a saanen a karaman iti pondo ti siudad ti pannakamantener ken pannakaikabil dagiti streetlight iti nagduduma a barangay.
Segun kenkuana, adda bukod a pondo dagiti barangay para kadagiti streetlight, malaksid kadagiti adda iti main road a sakupen ti barangay.
Innayonna a ti nadakamat a banag ket responsibilidad dagiti opisyal ti barangay.
Kabayatanna, kinuna ni ABC President Rbee Ablan a kadagiti kallabes a tawen dagiti streetlights ket nairaman iti badyet ti siudad.
Iti agdama ket kalikagumna a matratar daytoy a banag tapnu malawlawagan dagiti pada na nga opisial ti barangay.
