LAOAG CITY – Posible a saanen a matuloy ti panagmartsa ti maysa a graduating student kalpasan a natiliw iti naiyuswat a buy bust operation iti Brgy 13 iti ciudad ti Laoag.
Nabigbig ti estudyante a ni Jose Santiago, agtawen ti 21 ken residente iti Brgy. Madamba iti ili ti Dingras.
Nakumpiskar kenkuana ti tallo a supot ti marijuana ti nakumspiskar kenkuana ken ti maysa a supot ket agbalor ti 500 a pisos kalpasan nga adda ti nagpammarang a gumatang ti marijuana.
Aminado ti suspek nga adda ti panaglako na ti marijuana ngem gapo ta adda ti bayadan na a multa iti pagadalan ket naaramid na ti panaglako.
Napalaos ti panagbabawi ni Santiago ngem naladawen gapo ta adda daytoyen iti kuerpo ti pulisya.
Iti agdama ket maisagsaganan ti kaso kriminal kontra iti nasao a suspek.
