LAOAG CITY – Napilaan ti kaso nga estafa ti nagbalin a subject ti drug buy bust operation a naisayangkat iti iti laud ti Ilocos Norte Electric Cooperative (INEC) iti paset ti Barangay 21 iti ili ti Sarrat.
Nabigbig daytoy a ni Mr. Jonel Pascua, tubo iti Barangay Mandaluque iti ili ti Dingras ken rsidente iti Barangay Sto, Niño, iti ili ti Nueva Era.
Ni Pascua ket natiliw babaen ti panagkinnamayet ti PNP-Dingras, PNP-Sarrat ken ti PDEU.
Naamoan nga estafa ti naipila a kaso kenni Pascua gapo ta nagnegatibo ti resulta iti eksaminasyon iti nagatang ti police pusuer buyer a maysa a sachet a naglaon ti maipagarop a shabu.
Malaksid iti maysa a plastic sachet ket naala pay dagiti otoridad ti sangaribo a pisos.
Iti agdama ket nagtalinaed iti kustudiyar ti PNP-Dingras ni Pascua ken manamnama a dumalan iti inquest proceedings intono bigat, aldaw ti Lunes.
