LAOAG CITY – Inbatad ni Michael Cristobal, subject ti gun bust operation, iti ili ti San Nicolas a kellaat a tinumba dagiti otoridad ken pinusasan da daytoy bayat a mapan kuma agpainom kadagiti taraken na a baboy.
Kuna na nga innala da ti bag na ket dita a kinakaot dagiti otoridad ket rimwar ti paltog manipud iti bag.
Segun kenni Cristobal, kukua na ti bag nga innala dagiti otoridad ngem ti karga na ket maysa a lighter, cellphone, 100 peso bills a naglakuan na ti kayo, ken sensilyo.
Naglikudan na a kukua na dagiti dadduma a banag a naala manipud iti bag daytoy kas iti paltog, dua a pidaso ti 1,000 peso bill ken ti maipagarup nga iligal a druga.
Inpetteng ni Cristobal nga awan ti paltog na ket saan pay a nakaiggem iti paltog.
Nupay kasta, inadmitir na nakaiggem iti airsoft gun daytoy.
