LAOAG CITY – Manamnama a malukatan ita a bolan ti baro a substation ti Ilocos Norte Electric Cooperative iti ili ti Bacarra.
Segun kenni Acting General Manager Perry Martinez, daytoy ket 10 mega watts substation a mangsuplay iti ili ti Bacarra, Vintar, Pasuquin ken makatulong pay iti Laoag -San Nicolas sub-station.
Inlawlawagna nga imbes nga aggapo iti Laoag-San Nicolas substation ti supply ket diretson manipod iti iti ili ti Bacarra tapnu saan a makompromiso ti kalidadna.
Innayonna a ti substation iti Laoag-San Nicolas a 15 mega watts ket suplayan na ti dakkel a mall ditoy ciudad ti 7.5 mega watts a makaapektar ti distribusyon ti kuryente no awan ti Bacarra sub-station.
