LAOAG CITY – Pabor ti Malakanyang ti substitute bill seknan iti Adolescent Pregnancy Prevention bill ni Senador Risa Hontiveros.
Mangnamnama ni Senadora Hontiveros a maaprobaran ti substitute bill para iti ilunglungalongna a Pregnancy Prevention Bill.
Binalbaliwan ti Senadora dagiti sumagmamano a probision ti kontrobersial nga anti-teenage pregnancy bill kageddan dagiti kritisismo.
Gapu iti daytoy, mangnamnama ni Hontiveros a suportaran daytoy dagiti padana a Senador a nagbabawi ti pirmada iti gakat.
Inikkat ti Senadora dagiti kontrobersial a probision ken inramanna dagiti singasing ni Senate President Chiz Escudero.
Karaman ditoyen ti pannakaikkat ti “guided by International Standards,” pananglimitar iti Sex Education iti agtawen ti 10 agpangato; panag-adjust iti agtawen ti 16 agpangato maipapan iti access iti Reproductive Health Product nga awan ti parental consent.
Mamati ni Hontiveros a saanen nga agsubli pay iti committee level ti panagdengngeg iti substitute bill.
