LAOAG CITY – Inlawlawag ni Atty. Julius Balbas, Laoag City Election Officer a mabalin ti substitution dagiti kandidato para iti mapaspasangasangan a 2025 Midterm Elections.
Segun kenkuana, daytoy ket maibasar iti nailanad iti Commission on Elections Resolution babaen iti withdrawal.
Nupay kasta, inpalgakna nga agpatingga laeng daytoy inton Oktubre 8 maidasig kadagiti naglabas nga eleksion nga agngudo iti Nobiembre.
Kabayatanna, inpakaammo ni Atty. Balbas a mabalin a maipatungpal pay ti substitution kalpasan ti Oktubre 8 no matay ti maseknan a kandidato ken no madiskualipikar iti kandidaturana.
