LAOAG CITY – Naagaw manen dagiti soldado ti Sudan ti presidential palace iti ciudad ti Khartoum manipod iti kalaban da a Paramilitary Rapid Support Forces.
Basar kadagiti naiparuk-at a video, makita ti panagragragsak dagiti soldado kagiddan ti panagkararag kas paset ti panagyaman iti panagballigi da.
Maipalagip nga umabot iti dua a tawen a nakilablaban dagiti soldado ti Sudan iti Paramilitary Rapid Support Forces tapno mapasubli da ti presidential palace.
Agpapan ita ket awan pay ti komento ti paramilitary group mainaig iti daytoy a banag.
