LAOAG CITY – Iparuk-at paylaeng ti Department of Trade and Industry (DTI) ti suggested retail price (SRP) dagiti noche buena products intono katengngaan ti Nobyembre ita a tawen.
Inbatad ni Department of Trade and Industry Fair Trade Group supervising head Assistant Secretary Agaton Uvero nga adda ti pakabuklan a 237 dagiti produkto a sakopen ti nasao a price guide.
Inlawlawag na a saan nga iti opisina da ti agikabil a mismo kadagiti suggested retail price dagiti nasao a produkto.
Iti inisyal a panagbantay ti ahensya ket arigna kagudua dagiti nasao a produkto ket saan nga agipangato ti presyo da.
Maipalagip nga iti napalabas a tawen ket adda ti 152 manipod iti 240 a noche buena products ti nagipangato ti presyo na.
