LAOAG CITY – Manamnama nga adda maipaulog a suggested retail price iti presio ti baboy ditoy probinsya nga Ilocos Norte.
Segun ken ni Gov. Mathew Marcos Manotoc, iti gobierno probinsial, saan a mabalin a mangipatungpal da ti maminpinsan a presio ti baboy ditoy probinsya ngem mabalinda a mangirekomendar kadagiti nagduduma nga ili, ken manamnama a suroten da daytoy.
Innayon na a masapol a mabalanse ti presio kadagiti aggatang, hog raisers ken dagiti meat vendor.
Kalikagom pay ti gobernador ti naigget a pannakamonitor ti panagiserrek ti frozen meats ditoy probinsya, no sadinno a dagiti laeng aglaklako ti longganisa ken bagnet ti mabalin a masupplyan tapno saan a maatiwan dagiti meat vendors. Kabayatanna, inpetteng pay ti gobernador nga adda masurot a balor wenno kilo ti frozen meats iti pagillian.
