LAOAG CITY – Naarestar idiay Russia ti maysa a suldado ti Estados Unidos gapu iti maipagarup a panagtatakaw.
Segun iti United States official a nabigbig daytoy a ni Gordon Black nga agdama a dumaldalan iti pre-trial detention.
Naarestar ti staff sergeant idi Mayo 2 no sadino ket nakadestino daytoy iti South Korea ken agbiahe iti Russia iti bukudda a desision.
Inpakaammon ti Russia iti Estados Unidos ti nasao nga insidente kabayatan a nakaibalod ni Black iti Vladivostok.
Napasamak ti pannakaarestar kalpasan ti agtultuloy a tension iti nagbaetan ti Russia ken Estados Unidos gapu iti gubat iti Ukraine.
