LAOAG CITY – Naarestar ti Ukrainian forces ti maysa a suldado ti North Korea a nakikappeng iti Russia.
Daytoy ti kaunaan a suldado ti North Korea a natiliw dagiti taga Ukraine sipod idi nangipatulod ti North Korea kadagiti suldadoda idiay Russia.
Inbatad ti White House a makapaspasar iti agdama ti North Korea ti dakkel a panagkissay ti bilang dagiti suldado.
Naammoan nga adda ti maipagarup a sumurok sangaribu a suldado ti nasugatan ken pimmusay sipod idi nakirinnupakda iti Ukraine.
Immuna iti daytoy, nangipatulod ti North Korea ti sumurok 10 a ribu a suldado daytoy iti Russia tapno tumulong iti pannakirinnupak iti Ukraine.
