LAOAG CITY – Plano ti Department of Agriculture (DA) nga ipatungpal ken mailako ti maaw-awagan ti sulit rice ken nutri rice iti nalaka a presyo inton tawen 2025 kas New Year offering kadagiti Pilipino.
Inlawlawag ni Agriculture Assistant Secretary Genevieve Guevarra a tti nutri rice ket kulay brown a bagas a mailako iti P38 kada kilo idinto a ti sulit rice ket agmaris ti puraw ngem pino daytoy, ken mailako iti balor a P36 kada kilo.
Innayonna a dagiti nagduduma a variety ti bagas ket aggatad met ti P40 kada kilo kas iti local ken imported well-milled rice nga iti agdama ket mailaaklako kadagiti Kadiwa stores.
Kabaytaanna, plano pay ti Department of agriculture a manglukat ti Kadiwa kiosk kadagiti public market iti intero a pagilyan kas iti Metro Rail Transit ken iti Light Rail Transit stations.
