LAOAG CITY – Nagkiddaw dagiti sumagmamano a contractors iti Department of Public Works and Highways 1st District Engineering Office ti suspension iti pannakaimplementar dagiti proyekto.
Segun ken ni Engr. Glenn Miguel, mangidadaulo iti 1st District Engineering Office ado dagiti saan a makaubra gapu iti panagtutudo nangruna iti napalabas a lawas.
Nupay kasta, saan a mabalin a ma-extend dagiti proyekto no sadinno kasapulan a mangipaay ti ad-ado nga oras wenno ag-overtime dagiti trabahador tapnu malpas dagiti proyekto iti naituding nga aldaw.
Kinunana a no saan a malpas ti proyekto ket agsubli ti naalokar a pondo iti biang ti National Treasury.
Kabayatanna, maysa kadagiti dakdakamatenna a proyekto ket ti dalan iti long Suba Road ditoy ciudad ti Laoag.
