LAOAG CITY – Naiyuswat ti panagbakuna kadagiti Barangay frontliners ditoy ciudad ti Laoag partikular iti maysa a pribado a pagadalan.
Segun kenni Dr. Joseph Adaya, itay bigat ket ado dagiti napan iti pagbakunaan gapo ta ti ammo dagitoy ket maysa nga aldaw laeng ti panagbakuna.
Nupay kasta, apaman a naamoan da a kada cluster ti panagbakuna ket nagawid met laeng dagiti dadduma a barangay frontliners.
Inbatad na a target da a bakunaan ti 250 a frontliners iti kada aldaw iti uneg ti makalawas.
Ti bakuna a naitudok kadagiti barangay frontliners ket ti astrazeneca.
