Sumagmamano a batbato, naregreg manipud iti bantay iti Brgy. Pancian, Pagudpud

LAOAG CITY – Dagus a nagresponde dagiti kameng ti DPWH 1^st engineering district iti paset ti Brgy. Pancian iti ili ti Pagudpud.

Daytoy ti inpakaammo Engr. Robert Rabago, head ti maintenance team ti DPWH 1^st engineering district kalpasan nga adda dagiti sumagmamano a bato a nagtulidtid a bato manipod iti bantay ken nagtupak iti kalsada.

Segun ken ni Rabago nga awan met dagiti nadangran iti nasao nga insidente.

Inlawlawag na a masansan daytoy a mapaspasamak iti nasao a lugar malaksid iti panagreggaay ti daga a mapaspasamak nu agtudtudo.