LAOAG CITY – Inbunannag ni Mrs. Perlita Cabello, mangidadaulo iti City Social Welfare and Development Office ditoy siudad ti Laoag a saan a kwalipikado dagiti innem a child development workers tapno agtrabaho da iti nasao nga opisina.
Daytoy ket gapu ta saan da pay a regular ngem ketdi volunteer dagitoy.
Inlawlawag na nga adda dagiti nagretiro a child development workers iti kallabes rason nga isuda pay laeng ti nanglitup ti napanawan a posisyon.
Innayon ni Cabbelo a nasken a maidalan dagiti maseknan iti umiso a prosesso tapno agbalin da a regular wenno dumala iti accreditation.
Naamuan ti Bombo Radyo nga umabot iti 92 dagiti child development workers ditoy siudad.
