LAOAG CITY – Nagturong dagiti sumagmamano a couples iti maysa nga hotel ditoy siudad ti Laoag kageddan ti pannakaselebrar ti Valentine’s Day ita nga aldaw.
Inbatad ni Mr. Joel Bulalaque, Admin Head iti nasao nga hotel, sumagmamano pay laeng nga aldaw ket addan dagiti couples ti nagpa-booked kadakuada tapno sigurado a maka-check in dagitoy.
Inlawlawagna a first come first serve basis ti panangibasaranda dagiti agturong iti hotel ngem mabalinda latta nga akomodaren dagiti ag-walk in.
Kunana a saan laeng a para kadagiti couples dagiti maididiaya a rooms no di ket adda pay para kadagiti agpagayam, barkada wenno pamilia.
Innayonna a nakadepende ti bayad iti pilien a room dagiti maseknan a couples no sadinno nga adda pay ti ididiayada a 50 percent off kadagiti agkasangay ita nga aldaw.
