LAOAG CITY – Inpetteng ni Mr. Dominador Alberto ti Officer in Charge iti Consumer Protection Division iti Department of Trade Industry ditoy cuidad ti Laoag a bayat ti panagsursor da kadagiti pasdek negosio ketĀ adda dagiti sumagmamano nakita da a daanen a christmas light a mausar iti holiday season.
Segun kenni Alberto, iti panagturong da kadagiti pasdek negosio ket nakita da dagiti daan a lako a christmas lights isut gapo na a binalakadan da dagiti aglaklako.
Kunana a naibaga kadagiti maseknan a masapol nga ipull-out da dagiti daan a lako da a Christmas lights tapno masigurado iti seguridad dagiti aggatang.
Mainaig iti daytoy, kuna ni Alberto nga ado met dagiti pasdek a nabisita da nga addaan ti napintas a kalidad ken sumursurot kadagiti paglintegan.
Mainaig iti daytoy, kunana a dagiti produkto nga ilaklako da ket masapol nga adda latta iti standard marking wenno certification mark tapno mapasigurado a dagitoy ket natalged met laeng ken dimmalan iti product testing.