LAOAG CITY – Adda dagiti nakumpiskar dagiti otoridad a sumagmamano a deadly weapons wenno dagiti natatadem a banag manipod kadagiti napan bimmisita iti San Nicolas Public Cemetery iti ili ti San Nicolas.
Karaman kadagiti nakumpiskar a deadly weapons ket ti kumpay, buneng ken dadduma pay.
Malaksid kadagitoy ket adda pay ti nakumpiskar dagiti otoridad nga arak.
Kabayatanna, naiget a maipawil a sumrek dagiti lugan iti uneg ti nasao a kamposanto tapno maliklikan ti nailet a pagnaan dagiti tattao.
Nupay kasta, adda ti naidiaya a libre a lugan para kadagiti senior citizens, masikog ken dagiti Person With Disability a bumisita iti tanem dagiti ay-ayatenda iti biag a pimmusayen iti San Nicolas Public Cemetery.
Iti agdama, nagtalinaed a nakaalerto dagiti kameng ti Philippine National Police, Bureau of Fire Protection, Barangay Officials ken pakairamanan dagiti volunteers.
