LAOAG CITY – Kinanselar ti Air India ti walo nga international flights nga imatmatonan ti Boeing 787-8 Dreamliners.
Ti nasao a klase ti eroplano ket karaman iti panagsuek iti napalabas a lawas a nakatayan ti sumurok 200 a tattao.
Gapu iti nasao a pannakakanselar ket naapektaran dagiti biahe nga agturong idiay London, Paris, Vienna ken Dubai.
Timmulong metten dagiti sumagmamano a pagilian iti panangimbestigar tapno maammoan ti pudno a namunganayan ti nasao a panagsuek ti eroplano.
Maipalagip a sumagmamano a minuto kalpasan ti panag-take off ti flight AI171 manipud iti Sardar Vallabhbhai Patel international airport ket kellaat latta daytoyen a nagsuek.
Iti pakabuklan ket adda ti 242 a nakalugan ti eroplano ken adda ti maysa laeng a pasahero ti nakalasat.
