LAOAG CITY – Kinumpirmaran ti grupo dagiti negosyante iti pagilyan nga ado a ganganaet nga investors ti agamak ken agdudua nga agnegosyo iti Pilipinas.
Daytoy ket adda ti pakainaigan na iti naibutaktak nga anomalya kadagiti flood control projects iti pagilyan.
Segun kenni ASEAN-BAC Philippines chairperson Joey Concepcion, adda dagiti agdamdamag kadakuada a ganganaet nga investors mainaig iti nasao nga isyu.
Naamoan a kalikagom dagitoy a siguradien a saan a nakaro ti lebel ti kurapsyon a mapaspasamak iti pagilyan.
Innayon ni Concepcion a makatulong ti imbestigasyon ken mapagsungbat dagiti karaman iti daytoy tapno mapukaw ti panagamak dagiti foreign investors.
