LAOAG CITY – Sumagmamano a grocery Stores ken hardware iti nagduduma nga ili ken ciudad ditoy probinsia ti napaserraan ken naipilaan ti kaso.
Daytoy ti inpakaammo ni Mrs. Marilou Sapungan, Revenue Director ti Bureau of Internal Revenue (BIR) ditoy probinsya.
Inlawlawag na a dagiti napaserraan ken napilaan ti kaso a pasdek negosyo ket dagiti saan nga agbaybayad ti buwis ken saan nga agis-isyu ti resibo.
Kuna pay ni Sapungan nga adda dagiti auditors da a napan nagbantay ken nagobserbar kadagiti nasao a pasdek negosyo.
Innayon na a saan da a mamati nga awan ti mapaspastrek dagiti nasao a pasdek negosyo gapu ta sumaysayaaten ti sitwasyon da.
Mainaig iti daytoy, inbatad ni Sapungan nga adda pay dagiti sumaruno a pilaan da ti reklamo a pasdek negosyo ditoy probinsya.
