LAOAG CITY – Ginutigot ti grupo dagiti agtagikua ti lugan dagiti agpanpanday linteg a mangipasa ti linteg kontra iti road rage.
Segun ken ni Automobile Association of the Philippines President Augustus “Joe” Ferreira, no adda ti linteg para iti pannakaipataw ti nadagsen a pannusa ket agpangadwa dagiti drivers a makiriri iti kalsada.
Innayon na a masapol pay a maaddaan ti psychological test dagiti drivers, malaksid iti theoretical ken practical test tapno makaala ti drivers license.
Maipalagip a sumagmamano nga insidente ti road rage ti nairekord ti nailian a pulisya ita a bolan laeng ti Disyembre.
