LAOAG CITY – Pimmasa iti naisayangkat a pre-clinical trials dagiti uppat a mula kas herbal medicine.
Nadakamat nga inprisentar ti National Integrated Research Program on Medicinal Plants-Institute of Herbal Medicine (NIRPROMP–IHM) iti naiyuswat a Philippine Pharma and Healthcare Expo idiay Pasay City dagiti baro nga agas manipud kadagiti uppat a mula.
Naammoan a dagiti baro nga agas ket dimmalan iti kasapulan a pre-clinical trials ken nagduduma a phases ti clinical testing nga inbilin ti Food and Drug Administration (FDA) para iti formulation dagiti agas.
Kabayatanna, dagiti mula a nausar kas baro nga agas ket ti yerba buena, parya ken dadduma pay.
