LAOAG CITY – Nagpalawag ti maysa a kumpanya ti bus iti Department of Labor and Employment (DOLE) kalpasan a sumagmamano kadagiti konduktor ken drayber iti nangipadanon ti problema da seknan iti saan a panagited ti iskedyul da nga agbyahe wenno agtrabaho.
Segun kenni Mrs. Fresnaida Gundan, ti mangidadaulo ti DOLE ditoy Ilocos Norte, ti nagbalin a palawag ti kumpanya ket iti saan panagremit dagiti kundoktor ken drayber ti kuarta a mapaspasadaan da.
Naiget a naglikudan met dagiti empleado ti nasao nga alegasyon kadakuada.
Kuna ni Gundan a maysa kadakuada ti pabor a mabaydan ti separation fee ken dagiti dadduma ket pagsasaritaan da intono lunes, Setiembre 30.
Naamoan nga uppat nga empleado dagiti napan nagreklamo iti nasao nga ahensya seknan iti nasao a banag.
iti mainaig a damag,nasakit ti nakem ni Mr. Agapito Martinez, addan ti 15 a tawen nga empleado ti saanen nabigbig a bus company ditoy ciudad ti Laoag kalpasan iti illegal a pannakaikkat na iti kumpanya a pagpaaayan na.
Daytoy ket kalpasan nga addan ti 9 a bolan nga awan ti naited nga iskedyul na nga agtrabaho ken awan pulos ti pakaammo ti nasao a kumpanya kenkuana seknan ti nasao a banag.
Inlawlawag na a tunggal adda ti byahe da ket dagus nga I-remit ken agreport da iti opisina da gapu ta saan da a makaawid agingga a saan a maited dagiti kuarta mapasadaan da.
Immun-unan iti daytoy, nagreklamo ni Martinez iti DOLE tapno maamwan no anya dagiti karbengan na kas maysa nga empleado gapu iti illegal a panangikkat da kenkuana iti trabaho.
Kunana a nasakit unay ti nakem na gapu ta idi napan da iti DOLE ket pinarwar ida ti abogado ti kumpanya, ket dita a saan dan nga ammo no anya dagiti nagsasaritaan da.
Nupay kasta, basar iti maseknan kalikagum da nga agturong da iti DOLE inton Lunes, ken kiniddaw da iti presensya iti mismo nga agtagikua ti kumpanya a mangilawlawag ti isyu a saan laeng a ti abogado na iti ibabaon na.
