LAOAG CITY – Malidayan dagiti lider ti simbaan idiay Jerusalem kalpasan a nakitada ti kasasaad idiay Gaza.
Inbatad ni Latin Patriarch, Cardinal Pierbattista Pizzaballa, naimatanganda dagiti tattao a makipilpila sumagmamano nga oras tapno makaala laeng ti taraon.
Inpettengna a saan daytoy a nainkalintegan ken saan nasken a mapasaran dagiti tattao idiay Gaza ti nasao nga insidente.
Mainaig iti daytoy, kuna ni Greek Orthodox Patriarch, Theophilos III a rumbeng a tulungan dagiti pagilian dagiti residente a mairamraman iti gubat.
Bimmisita ti dua iti Holy Family Church idiay Gaza a tinamaan ti airstrike ti Israel a nagresulta iti pannakatay ti dua nga indibidual.
