LAOAG CITY – Inbatad ni Mr. Rudy Gudoy, maysa kadagiti agtagikua ti Lotto outlet ditoy ciudad ti Laoag a saan da a basta maituloy ti operasyon da gapu ta iyur-uray da pay laeng ti direktiba ti Philippine Charity Sweepstakes Office (PCSO).
Inlawlawag na nga uray kayat dan ti aglako ti ticket no saan pay nga inlukat ti main office ti computer da ket saan da a makalako.
Segun ken ni Gudoy, inaldaw nga agiremit da ti mapastrek da gapu ta no saanda a makairemit ket agmulta da.
Kuna na a komisyon laeng ti maikkat a para kadagiti lotto agents.
Innayon na a 7 a porsiento ti pakabuklan ti napastrek da sumrek kadakuada nga agtagikua ti lotto outlet ket ti 97 a porsiento ket mairemit amin iti account ti PCSO.
Maipalagip nga idi laeng rabii ket inrakurak ni Presidente Rodrigo Duterte a maisublin ti operasyon ti lotto.
