LAOAG CITY – Binanatan ti Pambansang Lakas ng Kilusang Mamamalakaya ng Pilipinas (PAMALAKAYA) ti desision ti gobierno nga aprobaran ti panagangkat ti adu nga ikan banag a makadadael iti lokal a produksion.
Pinirmaan ni Agriculture Secretary Francisco Tiu-Laurel Jr. idi Lunes ti Memorandum Order 17, series of 2024 a mangted bileg iti panagserrek ti 25 a ribu a metriko tonelada nga ikan.
Napasamak daytoy kalpasan nga inikkat ni Presidente Ferdinand Marcos Jr. ti Administrative Order 20 nga isu ti mangik-ikkat iti non-tariff barriers iti imported agricultural products.
Naituding nga iangkat dagiti “frozen pelagic fish” manipod Oktubre 1 agingga maika-21 ti Disiembre sakbay daytoy a naan-anay nga umadu iti merkado publiko kasa maibasar iti Memorandum Order 17.
Nailanad pay iti memorandum, 80% ti maximum importable volume a dumanon iti 20 a ribu a metriko tonelada ti ipaay kadagiti registered importers a karaman iti commercial fishing sector.
Kabayatanna, ti nagtalinaed a 20% wenno 5 a ribu a metriko tonelada ket maited met kadagiti fisheries associations ken cooperatives no sadino kasapulan a makadanon dagiti ikan iti maika-25 ti Enero inton tawen 2025.
