LAOAG CITY – Inpakaammo ni Mayor Richard Degala iti ili ti Vintar a dagiti mannalon a saan a naipaayan ti tulong manipud iti Department of Agriculture ket naipaayanen ti tulong manipud iti gobierno.
Segun kenkuana, naipaayan pay dagiti 35 a mangngalap ti fishing paraphernalia kas ti tabukol, sigay ken dadduma pay.
Inbatadna a nangilatang ti lokal a gobierno ti 628,600 a pisos para iti naan-anay a pannakaipatungpalna daytoy a programa.
Inlawlawagna a masapol iti agtultuloy a panangtulong kadagiti umili tapno agbalin a sapasap amin ti matulungan iti gobierno munisipal.
Innayonna a babaen iti daytoy ket matulungan dagiti mannalon ken mangngalap iti kangrunaan a pagbiaganda.
