LAOAG CITY – Inbalakad ti Bureu of Fire Protection ditoy cuidad ti Laoag iti naan-anay a panagannad dagiti umili tapno maliklikan iti uram.
Inaramid daytoy ni Senior Fire Oficer 2 Ellie Gio Sapaden Garcia, ti imbestigador iti Bureau of Fire Protection ditoy ciudad ti Laoag kalpasan a natuno a sibibiag dagiti taraken a manok ken pato ti pamilya Valiente iti Brgy. 28 ditoy cuidad.
Inlawlawag ni Garcia a napasamak daytoy kalpasan a nagpuor ti maysa a miembro ti pamilya kadagiti nagango a bulong pakairaman dagiti karton iti asideg iti pagapunan dagiti manok ken pato.
Innayonna a kalpasan a napuuran ti maseknan dagiti bulong ken karton ket tinalawan na daytoyen no sadinno a nakigtot da laengen idi makita da a maur-uram ti kulangan dagiti taraken da.
Inpalgak Garcia a nagresponde da a dagus apaman a naireport kadakuada ti napasamak.
Inpakaammo ni Garcia nga umabot iti 10 ribo a pisos ti pakabuklan ti balor dagiti nauram.
