LAOAG CITY – Naobserbaran ni Vice Gov. Cecilia Araneta Marcos nga adda dagiti medical equipment kadagiti nagduduma nga ospital ditoy probinsia a saan a maus-usar gapu ta awan ti mangoperar.
Inbatadna a sayang laeng dagitoy no mabaybay-an a saan a mausar ken awan ti serbina nga ipapaay dagitoy manipud iti Department of Health no awan ti mangoperar.
Mainaig iti daytoy, inpakaammo ni Dr. Rogelio Balbag, Executive Director ti Hospital Management Council ti gobierno probinsial ti Ilocos Norte a manarimaan ti pannakaipadalan ti panagsanay dagiti technician a mangoperar kadagiti medical equipment.
Maipalagip nga adda dagiti sumagmamano a medical equipment ditoy probinsia nga indonar ti Department of Health para kadagiti district hospitals a kiniddaw ti gobierno probinsial iti gobierno nasional.
