LAOAG CITY – Napilaan ti kaso a panaglabsing iti anti-pilferage ti sumagmamano a member-consumers a naduktalan a nagtakaw ti kuryente.
Segun kenni Asst. General Manager Perry Martinez iti Ilocos Norte Electric Cooperative (INEC), ar-aramidenda daytoy para kadagiti nakurang 200 a ribo nga member-consumer owners.
Kunana a dagiti agtaktakaw ti kuryente ti rason no apay a nangato ti systems loss a daytoy ket maipaspasa kadagiti member-consumer owners.
Naamoan a ti systems loss ket umab-abot ti 11 pesos a nasurok no sadinno isu ti mainayon iti bill.
Mangnamnama ni Martinez a daytoy ti ummuna ken maudin a gundaway nga adda dagiti maduktalan nga agtakaw ti kuryente ken mapilaan ti kaso.
Maipalagip nga immasideg dagitoy iti opisina ni Martinez tapno makikompromiso dagitoy nga agbayad ti rumbeng a bayadan da pakairamanan ti naipataw a multa kadakuada.
