LAOAG CITY – Na-acquit ni dati a Mayor Jessie Ermitanio iti ili ti Marcos kadagiti dua a murder cases ken sumagmamao a frustrated ken attempted murder cases a sangsangwen na gapu iti pannakatay ni dati a Mayor Arsenio Agustin iti metlaeng nasao nga ili.
Daytoy ti inpakaammo ni Atty. Jason Perera, ti legal counsel ni Ermitanio.
Inlawlawag ni Perera a ti rason no apay a na-acquit ni Ermitanio kadagiti kaso na a pammapatay ket gapu ta napaay ti prosekusyon a nangpaneknek a “guilty beyond reasonable doubt ti akusado.
Innayon na a dagiti testigo a dimmalan iti cross examination ket maipagarop a saan nga usto dagiti ibagbaga da a napasamak.
Iti agdama, kuna ni Perera a dua laengen ti nabati a kaso ni Ermitanio, karaman ditoy ti maipagarop a panagikot ti eksplosibo ken sumagmamano nga high powered firearms ken ti murder case gapu iti pannakatay ni Retired Police Conrado Agtarap iti nasao nga ili.
Inpakaammo ni Perera a ti nakaalaan dagiti eksplosibo ken sumagmamano nga high powered firearms ket iti kubo-kubo a kukua ti gobierno.
